ប្រព័ន្ធប្រតិបត្តិការថ្មី iOS 7 កំពុងជិតដល់ពេលដែលក្រុមហ៊ុនត្រូវផ្ដល់តំណភ្ជាប់ឲ្យទាញយក ហើយ ! នៅសល់មិនដល់ ១០ ម៉ោង ទៀតទេ ក្រុមហ៊ុន Apple នឹងប្រកាសចេញនូវ iPhone ជំនាន់ថ្មី ជាមួយនឹងប្រព័ន្ធប្រតិបត្តិការថ្មី iOS 7 ។ មិនដឹងថា ប្រិយមិត្តចូលចិត្ត
ឬ មិនចូលចិត្តនូវប្រព័ន្ធប្រតិបត្តិការថ្មីនេះ ប៉ុណ្ណានោះទេ ? ប៉ុន្តែបើយោងតាមប្រភព Evad3rs.net បានឲ្យដឹងថា នៅក្នុងចំណោមអ្នកបោះឆ្នោត iOS 7 គឺមានដល់ទៅ ៣ ម៉ឺននាក់ ទៅហើយដែលជ្រើសយកពាក្យពេញចិត្ត ដោយឡែកមានតែ ៥ ពាន់នាក់ប៉ុណ្ណោះ ដែលយកពាក្យមិនពេញចិត្ត ។
យ៉ាងណាមិញនៅពេលដែលតំណភ្ជាប់ទាញយក iOS 7 ត្រូវបានដាក់ចេញជាផ្លូវការ នោះនឹងមានសំនួរមួយចោទឡើងថា តើ គេត្រូវដំឡើង iOS 7 ដោយរបៀបណា ? ឆ្លើយតបទៅនឹងសំនួរនេះប្រភព Evad3rs.net ក៏បានធ្វើការបង្ហាញនូវវិធីសាស្ត្រចំនួន ៣ សម្រាប់ការទាញយក និងដំឡើង iOS 7 នៅលើឧបករណ៍ដូចជា iPhone 5, iPhone 4S, 4, iPad 4, 3, 2 និង iPod Touch ជំនាន់ទី 5 ។ សូមបញ្ជាក់ថា iOS 7 នឹងត្រូវផ្ដល់មុខងារថ្មីៗ ចំនួនដល់ទៅជាង ២០០ ជាពិសេស គឺការវិវត្តន៍ថ្មីនេះ Multi-Touch ដែលមាននៅក្នុង iOS 7 ត្រូវបានរចនាឡើងយ៉ាងពិសេសសម្រាប់ការប្រើជាមួយនឹងម្រាមដៃ និងមាន Home screen ស្រស់ស្អាត និងងាយស្រួលភ្ជាប់ទៅកាន់កម្មវិធីផ្សេងៗផងដែរ ។
ឥលូវយើងស្វែងយល់ពីរបៀបទាញយក និងដំឡើង iOS 7 លើ iDevice ទាំងអស់គ្នា !
វិធីទី ១៖ 1) Select ឧបករណ៍និង click “Setting”
2) Click “General”
3) Click “Software Update”
4) Download new iOS 7
វិធីទី ២ (គួរអនុវត្ត)៖ 1) Download iOS 7 firmware សម្រាប់ iPhone/iPad/iPod Touch ពីតំណភ្ជាប់
2) បើកកម្មវិធី iTune និងភ្ជាប់ iDevice តាមរយៈខ្សែ USB
3) Select ឧបករណ៍របស់អ្នកដែលស្ថិតនៅចំហៀងខាងឆ្វេងលើកម្មវិធី iTune 11
4) សង្កត់គ្រាប់ចុច Shift (Windows) ឬ Alt/Option (Mac) និងចុចទៅលើ Button “restore” នៅលើ iTunes
5) Browse និង select នូវ download iOS 7 IPSW file, រង់ចាំដល់ដំណើរការ restore ត្រូវបានបញ្ចប់
វិធីទី ៣ (ជិតមកដល់) ៖ 1) ភ្ជាប់ ឧបករណ៍ iDevice ទៅកាន់កុំព្យូទ័រដែលដំណើរការ iTune 11 (download now) ឬពេលក្រោយតាមរយៈខ្សែ USB
2) មានសារពី firmware iOS 7 ថ្មី
3) ចុចលើ Button “Download and Install”
4) iOS 7 នឹងត្រូវទាញយក និងដំឡើងនៅលើឧបករណ៍ iDevice របស់អ្នក
សូមបញ្ជាក់ថា ដោយសា វិធីទាំង ៣ ខាងលើដើម្បីទាញយក និងដំឡើង iOS 7 គឺជាអត្ថបទដកស្រង់ ដូច្នេះ យើងខ្ញុំសូមអភ័យទោសទុកជាមុនប្រសិនបើ អ្នកអនុវត្ត ហើយនៅតែមិនបានសម្រេច ។ ចំពោះតំណភ្ជាប់ទាញយក iOS 7 យើងនឹងទទួលបានក្នុងពេលឆាប់ៗខាងមុខ ៕
ប្រភព 
